„Пена и пепел“ од Јан Јакоб Слауерхоф

„Пена и пепел“ од Јан Јакоб Слауерхоф

 

Рецензира: Мила Димишковска

 

Што е тоа што нè тера да заборавиме на нашите ветувања? Пет приказни, пет важни животни поуки. Збирка раскази што ги води читателите на патување низ континентите и низ длабочините на човекот. Преку разновидна низа ликови и околности, Слауерхоф го ткае наративот, ги шета читателите во живописно прикажани светови исполнети со копнеж, загуба и потрага по смислата на животот.

Првиот расказ „Наследникот“ е трогателен потсетник за минливата природа на богатството и за замките на материјализмот. Преку ликот на Касем, сведоци сме на тоа што значи да се подлегне на привлечноста на луксузот и да се заборават вредностите што се навистина важни.  Во „Крајот на песната“, потрагата по љубов станува потрага по цел во животот. Додека рускиот офицер очајно си ја бара саканата, Слауерхоф нè поттикнува да размислуваме за егзистенцијални прашања. Во „Последното патување на Ниборг“ наративот се расплетува како метафора за патувањето низ самиот живот, при што бродот Ниборг е симбол за човечката душа, која плови низ бурните води на постоењето. На крајот, преку самото тонење се потсетуваме на важноста на донесувањето правилни одлуки. „Лариос“ е приказна за еден морнар кој скита по светот, но сепак е заробен од канџите на таинствената Лариос. Збирката завршува со „Таков е животот во Кина“, каде што се раскажува за г-ѓа и г-дин Брус и за европскиот живот во еден кинески пристанишен град.

Она што ја прави „Пена и пепел“ посебна е способноста на Слауерхоф да ја долови суштината на емоциите со сурова искреност и длабочина. Ликовите се богато исцртани и нивните борби и триумфи одекнуваат долго откако ќе се сврти последната страница. Слауерхоф остава простор за различни толкувања. Преку истражувањето на богатството, љубовта, смртноста, судбината и на идентитетот, збирката нè кани да размислуваме за безвременските прашања што го прогонуваат човештвото од памтивек. Книгава заслужува свое место на полицата на секој читател што цени добар наратив, проткаен со длабоко истражување на човечката суштина.

Сподели :

Последни објави

Најубавиот новогодишен подарок

Подарете книга и израдувајте ги своите најблиски
Кошничка0
Нема продукти
Продолжи пазарење
0

Најавете се со вашата корисничка сметка