Познатиот американски дипломат и политичар Хенри Кисинџер ја имал историската улога да ја предводи американската надворешна политика во времето на претседателите Никсон и Форд.
Третирајќи ја Студената војна, време кога две спротивставени идеологии биле различно загледани во иднината на човечката цивилизација, делото „Во Белата куќа” претставува исповед на
еден врвен интелектуалец за судбинските одлуки на најмоќната администрација на планетата и сведоштво за клучните одлуки, падови и подеми на човечката волја за одржување на високите
вредности на слободата, и извештај со крајно суптилни нијанси за преговарачката вештина на одржувањето на светскиот мир. Делата на Кисинџер сведочат и за еден редок книжевен проект, за
евидентна дарба и писателска умереност и мудрост со што и авторот и делото си обезбедија долговечна рецепција во размери секогаш потребни како советодавна помош и на читателите и на
специјалистите.