Раскошно преплетена криминалистичка приказна обележана со иронија која како зборот „абракадабра“ – магична формула која обединува различни комплементарни идеи – започнува и завршува со Сатаната кој посетува тројца од ликовите, но единственото нешто што богатиот банкар, амбициозниот писател и хотелскиот стаорец го имаат заедничко, е билет за возот до Париз. Натан Мариус Дупор, инспекторот на амстердамскиот оддел за криминалистички истраги, е еден од патниците, кој мора да ја открие и расчисти комплицираната, изненадувачки добрата, убиствена завера.