Романот „Странецот“ е најпознатото дело на Албер Ками за кое се напишани и најголем број студии и осврти како од француски така и од најпознати критичари од целиот свет. Но и покрај многубројните рецензии и толкувања на ова дело, тоа, според многумина, и натаму останува енигма. Албер Ками е класичен пример на човечката трудољубивост, виталност и луцидност. Тие особини најдобро ќе ги инкарнира во личноста на Сизиф, во своето главно есеистичко дело „Митот за Сизиф“, што е напишано како извесен коментар, односно како филозофско толкување на неговото култно дело, романот „Странецот“. (Неслучајно двете дела се објавени во истата 1942 година.) Затоа многумина познавачи со право ги идентификуваат двете личности – Мерсо од романот и легендарниот митски јунак Сизиф од филозофскиот трактат…