Концентрирана, кратка, привидно локална и ситна приказна, а всуш­ност книгата е огромна слика на целото тоа противречно и ужас­но време во кое сите се збунети, поподложни на душевна корозија. Од романот не излегуваш истиот, ревалоризацијата е задолжителна. Трај­ните формули излегуваат глинени фигури.

Историски роман, но само доколку покажува дека во тешки вре­ми­ња луѓето се принудени да ја разоткријат својата вистинска суш­ти­на. Таа никогаш не е само црна или само бела како кај ша­хов­ските фи­гури. Поважно е дали си крал или пион, затоа што животот е ша­хов­ско поле, а сите ние сме направени од глина.

Силвија Недкова