Издавачката куќа „Макавеј“ ви ја претставува „Превртлива судбина“ – тематска антологија на раскази со ненадеен крај. Оваа уникатна збирка се состои од дела од светски познати автори, кои мајсторски раскажуваат приказни исполнети со драма, неизвесност и пресврти што оставаат без здив. Со ненадејни краеви што го менуваат текот на настаните, расказите ве водат низ мрачните катакомби на Рим, древните арени на гладијаторите и мистериозната мајмунска шепа што исполнува желби по цена на судбината.
Авторите застапени во антологијата се: О. Хенри, Роберт Бар, Хенри Кајлер Банер, Кејт Шопен, Френк Р. Стоктон, Артур Конан Дојл, Оскар Вајлд, Ф. Скот Фицџералд, В. В. Џејкобс и Елизабет Гаскел. „Превртлива судбина“ е патување на вообразбата низ времето и просторот, задолжително четиво за сите љубители на литературата што ја ценат уметноста на ненадејниот пресврт и драмата што остава длабок впечаток.