Близначки / Топ Наф ; превод од холандски Ели Пујовска ; [илустратор Адриен Брукман-Клинхамер]

Во „Близначки“ главните ликови се седумнаесетгодишните близначки Нон и Ани ван ден Берг, кои воопшто не си личат: Ани е како елегантна „Англичанка“ и русокоса, а Нон, нараторот, е малку полничка и има многу потемен тен. Нејзиното вистинско име е Абрамин, но таа ја претпочита скратената верзија, како „Нон“ или уште подобро, момчешкото име „Брам“. Близначките и нивната постара сестра Мета се сирачиња и живеат со својот дедо и тетка Абрамин, „старата мома“ која ги извршува домашните работи.

Во оваа книга е опишан животот и авантурите на трите сестри, преку доживувањата на Абрамин, на почетокот од дваесеттиот век во Холандија, во која авторот, Антонета Наф, пишувајќи под псевдонимот Топ Наф, ги опишува општествените норми во 1901 година, каде што за првпат во
литературата се споменува „модерната жена“.